內期結算 阿爺響警號
內地宣佈上半年「保七」，有中環茶友笑言，數字咁「齊戢戢」，睇落有啲人為喎，唔知係咪因為咁，消息公佈後，內地股市不升反跌。內地股市全日又上又落，午後滬指再次微升後下跌，失守3800點，最低曾跌近5%，再現千股跌停，臨近收市，中石油強勢拉升漲停，滬指重上3800點，全日收報3805.7點，跌1.03%，深成指數全日收報12132點，跌4.7%，滬深兩市全日總成交金額12460.71億元人民幣。
內地證券界話，內地股市經歷連續上漲行情後，短期積累大量獲利盤。上周一入市的撈底資金也浮上水面獲利走人，皆影響市場上升步伐。隨着大盤反彈短暫結束，不利因素逐漸浮現，導致大盤未來劇震頻繁 。
A股回軟，反映重頭戲上演前好淡交鋒互試實力。星期五期指結算，有講法話好倉先出貨走避。可能係針對呢個說法，內地媒體繼續披露阿爺托市的招數。證金公司向基金輸送的2000億元人民幣，維持A股穩定。《證券時報》就披露，5家獲得維穩資金的基金公司分別為華夏、嘉實、南方、易方達和招商。相關基金目前已有明確維穩投資策略，主要分為兩部份。
首先是由5家基金分工買入維穩，在此階段，基金公司對管理人通常不做常規業績考核，證金對所認購份額收益亦無要求；第二步則是，待維穩過後進入常態管理，將與其他股票型基金運作模式基本一致，業績考核同時進入常態化。
除了披露維穩招數，中證監公佈將會同公安機關嚴厲打擊造謠傳謠行為，將嚴密跟蹤媒體網絡輿情，安排專門力量持續開展線索篩查和調查工作，會同公安和媒體網絡主管機關及時查辦案件，嚴厲打擊編造、傳播虛假信息的違法違規行為。連串消息都係周五期指結算前滲出，反映中央喺決戰日嚴密佈防。
以前內地無衍生工具，牛熊鬥法無咁複雜，?家戰線多咗，就算係阿爺都要小心漏招。九八年政府打大鱷，都係推低下月期指防止空軍借衍生工具市場造淡。阿爺喺期指日自然不敢掉以輕心，造空者月頭得手，有多少偷襲味道，?家財金部門做定防禦工事，要偷襲照計就無咁易得手，但小心後市仍波動。
港股昨日市要跟隨內地波動，尾市險守兩萬五。恒生指數收造25055點，跌65點；國企指數收報11681點，跌154點，成交縮減至只有1046億元。科網股板塊跌幅較顯眼，中國軟件國際(354)瀉8%，造3.38元；神州數碼(861)急跌7.6%，其他同類股份好多都下調6、7%。
炒資賣產要識落車
藍籌股個別發展，中銀香港(2388)以680億元掛牌出售南洋商業銀行全部股權，由於放盤價理想股價升0.7元，收31.3元，是最標青恒指成份股。喺出售資產消息下，中銀香港股價喺呢個跌浪超硬淨，基本都唔算點有跌過，由於?家唔少內地金融機構仲想做銀行明燈，市場對出售前景樂觀，連帶另一間本地銀行大新(440)股價都造好，炒呢類股份，至緊要係識落車，喺好消息證實前就要搵機會食胡。
沒有留言:
張貼留言