蘋果撈過界賣奢侈品
外圍家焦點之一係蘋果推出Apple Watch。智能革命興起，媒體經營出現改變，大家都要適應，但其實受影響嘅點止媒體一個行業？有中環茶友話，家好多人都仲興戴錶。
早喺流動電話時代，好早就已附加咗報時功能，基本上手錶的報時作用已經消失，變成為時尚飾物，有錢人戴十萬元以至更貴的手錶，普通人都戴幾千元的手錶，作為「行頭」，但係使用智能手機長大的一代，佢哋對戴錶作為裝飾或潮人標誌，已經未必一樣。
茶友話，家錶廠同錶商必須花更大力度，去打造手錶的時尚，但咁做係咪會成功，大家都唔知，尤其科企掌握咗未來潮流趨向的發言權，究竟乜嘢係潮，乜嘢唔潮，往往唔再係奢侈品生產商可以話晒事。
好似今次Apple Watch推出，有分析話蘋果行政總裁庫克想將呢個產品變成高增值的消費品，直接同品牌爭生意，如果佢成功，就會消滅一批傳統鐘錶生產商以及關連產業。
以蘋果已經成為全球最大企業，就好似一隻快速移動的食肉恐龍，獵食力強兼胃口奇大。
茶友話，庫克呢個想法無人話實會成功，不過，呢個野心就展示出傳統產品隨時受到的挑戰，呢次蘋果就算唔成功，可能好快又有另一間科企跳出來挑戰，企業家想食餐安樂茶飯都唔係咁易。
A股倒升力撐港股
家可以話係顛覆的年代，無論邊個行業或企業，都要面對營運環境可能急變的現實，科技令競爭無論係地域上抑或行業上都扁平化。
今日好哋哋坐喺度收錢的公司，好可能明日就被人顛覆咗，所以家已經愈來愈難找到可以買咗放入櫃桶底的股票。
美股上個星期咁跌市，蘋果推新產品會唔會幫到市場氣氛，要睇外圍開市先知。香港能夠收窄跌幅，就係靠內地A股倒升，令本地內銀及內險股上揚，撐住個市。
昨日恒指開市已跌穿兩萬四大關，隨後跌幅擴大至254點，最低見過23910點，好彩內地股市午後發力抽升，推動港股曾倒升41點，高見24205點，惟尾市未能企穩24200點，最終全日微跌40點收市。恒指收報24123點，跌40點；國企指數收報11675點，升68點，成交金額765億元。
濠賭股走晒樣
擔心聯儲局將會提早加息，雖然假期內新盤銷情唔錯，暫時未受銀行收緊上車盤按揭太大影響，本地地產股大多數仍然受壓，只有長實(001)升0.3元，報152.5元。
藍籌股中，潺仔匯控(005)創逾兩年新低，低見66.55元，全日滑落1.2元。摩通大劈濠賭股目標價逾25%，多隻濠賭股盤中曾破低位，創52周低位。當中包括金沙(1928)、永利(1128)、美高梅(2282)、澳博(880)及新濠(200)。
銀河娛樂(027)亦逼近52周低位36.7元，全日收造36.85元，挫0.85元，為包尾藍籌股。
新確科技(1063)公佈，與銀聯電子合作，同時向不少於六名獨立承配人配售最多25.36億股配售股份，配售價0.245元，股價炒上36%，報收0.415元。
沒有留言:
張貼留言