有朋友的評論是「唔知點解啲人咁蠢會上當」。我叫她千萬不要這樣托大，你愈覺得自己不會受騙，就愈易中招。還是謙虛點好，明白自己隨時受騙，防範心會強一點。
聽警方描述這些犯罪份子如何如何集團式經營，就知道行騙手法十分商業化。騙案通常針對受害人的三種動機：第一，貪財，第二，貪色，第三，恐懼。
電話騙案都是從一個cold call(冷推銷)電話開始，通常針對受害人恐懼的心理，例如二胡大師王國潼的案件，騙徒聲稱王國潼的身份證和回鄉證被歹徒利用到處去騙財，是建國以來特大詐騙案，要交「無犯罪保證金」，「絕對不能洩露，否則馬上抓捕」。而「猜猜我是誰」，就針對一般人害怕得罪朋友的心態，怕「唔記得人個名唔好意思」。
當然恐懼亦包括保護家人的心理。我有朋友就收到電話傳來小朋友聲，大叫「爸爸救我，我出咗事」、「我被人捉咗，救我」，但被朋友識破不是他的兒子。
另一個個案是朋友的媽媽有一日收到電話，話「你個仔出咗事，佢生意失敗，借了貴利，佢唔敢話俾你知。」朋友的媽媽半信半疑，電話中人又話，「你個仔近排是否心事重重，好少講嘢？」朋友媽媽開始相信。電話中人再話，「你個仔上星期六是否無和你飲茶，好夜至返？佢被我地追債，佢還唔到債仲有乜心機同你飲茶。」
朋友媽媽開好擔心個仔的安危，電話中人話，「你試吓問個仔佢有無問人借錢，佢一定話你神經，一定話無，生意失敗有邊個想同阿媽講呀？」講得幾講，朋友媽媽開始驚，最後入了20萬給對方，代個仔「還債」。
我估由於電話騙案這些「生意」太易成功，結果吸引愈來愈多人做，而且以集團式經營，方法和叫人借錢的cold call一樣，當你接到好多個這類電話都無借，但事實上不少人會因為電話遊說而借錢。可能每打出100個電話，就有1個成功個案，計上所有打100個電話的工時，平均一兩百元成本就可以搵到一個客借錢。
同樣道理，電話行騙集團亦用同樣漁翁撒網方式，可能打出100、200個電話，就可以騙到一個人，一有人上當，就搵可以從他身上搵到20、30萬，甚至有時中大獎搵到2000萬，食水極深。所以可能在廣東省某地有個cold call中心，同時有幾百一千人在打電話行騙。這些負責打電話的小騙子的工錢可能比叫人借錢的高一些，有一千幾百一日，一個月賺兩三萬。但行騙集團扣除各種成本後，每月仍可能有數以千萬計的利潤。
這已變成一門生意，由愈來愈多犯罪份子以集團式從事這行可見，上當的人很多，做這行賺錢好易，所以才會成行成市。
沒有留言:
張貼留言