港科網未到高峰已劇終
香港情況仲衰，阿里無喺香港上市，本地影子股一早提前散水，諗住等佢上市跟炒一轉的股民，大歎未到高峰已劇終。
龍頭股騰訊(700) 股價及相關新聞 失守120元關口，昨日挫2.2元，造118.9元，如果走得慢小小，隨時仲可能「瀨嘢」。
阿里頭威頭勢炒一轉，跟住會點呢？根據過去經驗，美國大型股份集資後，個市多數回一回。阿里首掛爆得咁緊要，除非你話美國班投資銀行家唔識要錢，定價嚴重偏低啦，如果唔係短期水位有幾多，大家都心照嘞。
有金融界大佬話，香港無「里」，係咪應亡羊補牢，研究吓係咪放寬同股同權要求，或者搵阿里嚟香港第二上市。香港應否放寬同股同權，呢樣嘢真係見仁見智。無錯美國係可以同股不同權，但美國市場大股東通常不會有絕對控制性股權，香港流行家族式經營，如果可以同股不同權，咁會唔會有好多大股東透過改組減持股權，呢樣嘢就要搞清楚先！
至於話引阿里來港第二上市，股民興趣暫時就一般啦，因為頭啖湯已經被美國佬飲咗，香港飲湯尾、食湯渣又點會有味呢？所以佢嚟唔嚟香港上市，可能港交所(388) 股價及相關新聞 關心多過普通股民。
匯豐中國9月份PMI數據優於預期，內地股市回穩，但隔夜美股挫逾百點，港股無力反彈，繼前日跌350點，再挫逾百點收市。
金融殼股炒得癲
隨着「滬港通」即將開車，中資來港收購證券行的交易陸續出現。繼敦沛金融(812) 股價及相關新聞 之後，時富金融(510) 股價及相關新聞 將落入中資手上，買家為天津濱海新區建投股權投資基金管理公司。時富金融收市只係升咗1.5%，收報0.335元，反而係敦沛借勢爆升22%！敦沛由賣盤畀西南證券，前後累升咗接近7成，呢排市場仲係興炒殼股，但若論命中率同埋賠率，金融背景嘅殼家就最炙手可熱。
炒賣盤除咗金融股外，科技係另一類。以生產電子字典起家的權智(601) 股價及相關新聞 再升20%，家市值大約6億元，仲係唔算貴。市場追捧係因為佢嘅產品基本上已經唔再有市場，幫小股東搵主好人家係管理層最負責任的做法，加上大股東做過議員，大家估佢做嘢唔會太離譜，所以佢一話洽售，大家就飛身入去炒埋一份！
沒有留言:
張貼留言