港股喺周三閱兵前夕，先上演一場股市保衞戰。雖然全球股市在周初輪流插低，但假前A股就來個絕地反擊，在急跌後國家隊加碼維穩，危急時刻出手護盤買大股，將內地個市強勢拉升，滬綜指重上3160點，只是微跌0.2%收場，閱兵前不能失威也。
港股周三就先升後回，內地基建股突然發威，加埋油價急瀉，近日捱沽的航空股借勢反彈，甚有為好日子贈興味道，可惜港股未能跟住，收市又跌250點，收報20934點，跌幅1.2%，創了兩年低位，連對上一次低位也插穿了，可謂一副樣衰衰的模樣。
至於美股三大指數周三回升，其中納指升幅更超過2%。杜指收市報16351點，大升293點，但香港放假無市。而日本指數昨天略升0.5%。
裁軍不裁設備
到昨日閱兵，除了有高級武器如航母殺手東風21D導彈和殲10A戰機之外，習大大突然宣佈裁軍30萬，都令人小小意外。閱兵雖然不直接影響股市，但裁軍卻稍稍有利減少財政開支，變相有利經濟。按理裁軍會減少軍隊使用物資數量，但香港沒有軍需股上市，而軍工股如中航科工(2357)主要造飛機，卻不受影響。閱兵太平無事，有助市場氣氛，但只怕下周初內地復市阿爺不再護盤，內地股市有壓力。
澳門政府宣佈賭收，同時公佈因為收入連續十五個月減少，按年跌三成半，因此要考慮節流措施。幾隻龍頭濠賭股應聲下插到一年低位，年幾以來買呢類股都要輸錢。有中環茶友慨歎，以前大時大節或者好日子，港澳通常收到阿爺禮物，可惜?家此情不再嘞。
茶友咁慨歎，皆因佢同澳門賭業猛人傾起呢個消息，猛人話?家澳門政府呻窮，咁內地應該要放人放水救吓澳門啦，如果係咁，澳門博彩業就有機會見底啦。賭業猛人用政府收入分析阿爺對澳門政策，條數係?家賭收已經跌到不足200億元一個月，旺淡月份拉勻計年收2000億元，以四成稅收計大約800億元，同?家政府支出差唔多，若賭收進一步下滑，咁澳門人就要節衣縮食，相信阿爺都唔想見到啦。
賭股噩運未完
澳門自從回歸後一直聽聽話話，照計阿爺見到澳門咁慘，無理由難為澳門人，賭業猛人的推論唔可以話無道理。不過，陸羽仁覺得佢計漏一件事，就係阿爺唔希望中國的錢流去澳門輸晒，其中一半仲係俾老外公司賺走咗，所以長期希望澳門產業要多元化，唔係死靠賭業一味。
睇見澳門賭收數字，德銀發表報告，該行上周往澳門兩天考察，其中中介人業務轉差，上月最少有8個中介人業務賭廳結業。睇番澳門8月博彩收入按年跌35.5%至186億澳門元，比7月下跌34.5%幅度更大。
德銀向中介人收料，話雖然澳門放寬內地人簽證，但未令貴賓廳客戶回流。中場業務方面，放寬內地人簽證只令少數中場貴賓廳客重臨澳門，但高端客戶在內地股票市場蝕錢，累及該批客戶未有重回當地市場，該行估計賭收明年預測下跌7%。濠賭股上月股價大跌23%，但預期今年市盈率仍達18倍，考慮明年收入唔似有大增長，18倍市盈率，仍然唔便宜喎。
沒有留言:
張貼留言