事件起源係去年11月，比利時檢方指匯控旗下瑞士部門欺詐和洗錢，涉及金額達數億歐羅，主要與安特衛普鑽石經銷商客戶有關。匯控表示將配合調查，但最後沒向當局交足資料，比利時調查法官稱，匯控瑞士私人銀行必須合作，否則當局考慮對該部門前主管發出國際拘捕令。茶友話，雖然私人銀行部門主管係份高薪厚職，但如果打工打到坐監，都可以話係受薪階層的悲歌，同時證明咗銀行家呢份工唔易做。喺消息影響下，匯控全日跌了1.3%，報71.85元。
內地一月開局不佳
跨國銀行近日成為外資唱衰對象，好似渣打(2888)就被德銀發表報告，大幅調低目標價，渣打去年股價按英鎊計下挫29%，是德銀覆蓋研究的歐洲銀行股中最差。該行估計，渣打新行政總裁應維持撥備高風險貸款，迅速切斷或賣出表現不佳地區業務，重新投資核心業務，同時需要增資52.5億美元，相信上述行動代價不便宜。
基於以上原因，德銀將渣打評級由「持有」下調至「沽售」，目標價由135元降至102元。不過，渣打股價無受呢個壞消息打擊，可能大家都覺得佢家都夠衰啦，佢仲逆市升1%，收110.8元。
通縮成為市場主題，中國繼公佈的進出口數據遠遜市場預期後，昨日公佈的1月份通脹率更只得0.8%，為逾五年來首次低於1%，人民銀行再度放水進行逆回購操作，正如陸羽仁所講，數據愈差放水傾向愈強，市場繼續炒作春節後再降準，內地滬深兩市高收，本地掛牌的A股ETF向好。
海通宏觀經濟學家在數字公佈後提出，內地1月經濟開局不佳，人民幣短期貶值、經濟通脹低迷等，均要求人行加大寬鬆力度。以往人行放鬆政策，往往同時啟動減息降準，以同時增加信貸的供給和需求。考慮到本輪經濟增長已經創出24年新低，通縮風險甚於2005年，減息降準次數應不會低於歷史，因此未來應至少還有1次以上減息、2次以上降準。
匯豐銀行亞太區顧問梁兆基都認為，內地通脹率有下跌風險，預料未來數月通脹率仍低過1%，擔憂內地面對通縮風險。人民銀行早前全面及定向下調存款準備金率，佢相信最快春節後會再調低存款準備金率。
搶炒春節後降準
由於內地數據唔係咁靚仔，有外資行開始質疑中央放水威力，話上星期阿爺降準，個市唔升反跌，顯示投資者對政策信心在減弱中，焦點轉移番去基本面，憂慮情況惡化。由去年開始，外資一直唔睇好內地經濟，去年底A股大升，基金經理都無乜入貨，搞到佢哋有啲滴汗，家個市由快牛變慢牛，外資有人睇淡唔奇。有茶友擔心內地經濟係咪有啲危？呢個擔心唔可以話無根據，不過，炒股好多時係走得快過經濟好多，人行一旦放水，你未睇真有冇效，個市已經炒咗兩轉兼散埋水，但如果真係對前景有懷疑，咁咪唔好咁勇囉。
憧憬中央將會進一步放水，令中港股市雙雙止跌，恒指午後一度倒升62點。臨近尾市好淡爭持，恒指收報24528點，升7點；國企指數收報11695點，升47點，成交縮減至640億元，一派牛皮待變格局。
沒有留言:
張貼留言